دھماکہ خیز خبر !!پاکستان کیخلاف مختصر، شدید جنگ ، امریکہ اور اسرائیل کے دورے کے بعد مودی کادماغ خراب ہو گیا

ملتان (خصوصی رپورٹ) بھارتی وزیراعظم نریندر مودی نے جنگی جنون کا بھرپور اظہار کرتے ہوئے فوج کو ”مختصر شدید جنگ“ کی تیاریوں کا حکم دیا ہے اور اس کے لیے اربوں روپے کا جنگی سامان خریدنے کی بھی اجازت دے دی ہے۔ بھارتی اخبار ”انڈین ایکسپریس“ کی رپورٹ کے مطابق مودی حکومت نے گزشتہ ہفتے ایک نوٹیفکیشن جاری کیا ہے جس کے تحت وائس چیف آف آرمی کو 40 ہزار کروڑ روپے تک کا جنگی ساز و سامان خریدنے کا اختیار دیا گیا ہے۔ بھارتی فوج نے 46 قسم کے ہتھیار اور گولہ بارود خریدنے کی سفارش کی تھی جس پر مودی سرکار نے خطیر رقم کی منظوری دے کر اسلحہ خریداری کی اجازت دی۔ واضح رہے کہ امریکہ اور اسرائیل کے دورے کے بعد نریندر مودی کے جنگی جنون میں اضافہ ہوگیا ہے اور اس نے پاکستان کے ساتھ ساتھ چین کے ساتھ بھی چھیڑ چھاڑ شروع کردی ہے۔ بھارتی اپوزیشن رہنماو¿ں نے اس پر کڑی تنقید کرتے ہوئے کہا کہ جس ملک میں روزانہ سینکڑوں افراد بھوک افلاس، بیماریوں سے مرتے، خودکشیاں کرتے ہں اس ملک کے حکمران کو ایسے اقدامات زیب نہیں دیتے۔ عسکری ماہرین کا کہنا ہے بھارت کی طرف سے اتنی بڑی تعداد میں اسلحہ خریداری سے خطے میں طاقت کا توازن بگڑ جائے گا اور دیگر ممالک میں بھی اسلحے کی دوڑ شروع ہوسکتی ہے۔
گرین سگنل