ایٹمی ہتھیاروں پر پابندی،اہم ترین قرارداد منظور

اقوام متحدہ (نیٹ نیوز) اقوام متحدہ میں 122ممالک نے ایٹمی ہتھیاروں پر پابندی کیلئے عالمی معاہدہ منظور کر لیا۔ امریکہ، برطانیہ، فرانس اور ایٹمی طاقت کی حامل ریاستوں نے مخالفت کی تھی اور مذاکرات کا بائیکاٹ کیا تھا۔ ہالینڈ نے مخالفت میں ووٹ دیا جبکہ سنگاپور غیرحاضر رہا۔ ایٹمی ہتھیار رکھنے والے ممالک نے اس پابندی کو غیرحقیقی قرار دے کر مسترد کر دیا تھا کہ دنیا میں 15 ہزار ایٹمی ہتھیاروں میں کمی کیلئے کوئی اثر نہیں پڑے گا۔ امریکہ، برطانیہ، روس، چین، فرانس، بھارت، پاکستان، شمالی کوریا اور اسرائیل نے مذاکرات اور ووٹنگ میں حصہ نہیں لیا۔ معاہدہ منظور کرنے والے 122 ممالک کا کہنا ہے کہ وہ ایٹمی ہتھیار رکھنے والے ممالک پر زور دیں گے کہ وہ سنجیدگی سے ایٹمی ہتھیار کم کریں۔ بتایا گیا ہے کہ جاپان نے بھی ووٹنگ کا بائیکاٹ کیا۔