”ملکی سیاسی بھونچال “ن لیگ کا منصوبہ سامنے آگیا

اسلام آباد (خصوصی رپورٹ)باخبر ذرائع سے معلوم ہواہے کہ مسلم لیگ ن کی اعلی قیادت نے جولائی اگست کے دوران بھرپور سیاسی قوت کا مظاہرہ کرنے کا فیصلہ کیا ہے تاہم اس بارے میں فیصلہ نہیں ہوا کہ سیاسی قوت کا مظاہرہ سپریم کورٹ کی قائم کردہ جے آئی ٹی کی رپورٹ جمع کرانے یا سپریم کورٹ کا فیصلہ آنے کے موقع پر کیا جائے۔ ذرائع کے مطابق مسلم لیگی کارکنوں کو سٹینڈ بائی کی پوزیشن پر رہنے کی ہدایات جاری کر دی گئی ہیں۔ تمام اضلاع میں مسلم لیگی تنظیموں کو آگاہ کردیا گیا ہے کسی وقت بھی ضرورت پڑنے پر انہیں سیاسی قوت کامظاہرہ کرنے کی کال دی جا سکتی ہے۔ ذرائع کے مطابق نوازشریف جولائی اور اگست میں ملک گیر طوفانی دورہ کریں گے۔ بڑے بڑے جلسوں سے خطاب کریں گے۔ مسلم لیگ ن کی قیادت نے اپوزیشن کی بعض جماعتوں کی جانب سے سڑکوں پر نکلنے کی کال کا نوٹس لیا ہے اور ان کا سیاسی میدان میں مقابلہ کرنے کا فیصلہ کیا ہے۔