44 افراد پیاس کی شدت سے دم توڑ گئے ، خوفناک خبر

نیامی(خصوصی رپورٹ)افریقی ملک نائیجر میں واقع صحارا ریگستان کو عبور کرنے کی کوشش میں 44 افراد پیاس کی شدت سے ہلاک ہوگئے۔غیر ملکی میڈیا کے مطابق ہلاک ہونے والوں میں خواتین اور بچے بھی شامل ہیں جو نائیجر سے لیبیا جارہے تھے۔مقامی حکام کے مطابق مہاجرین کا ایک قافلہ نائیجر سے لیبیا جارہا تھا کہ راستے میں تپتے ہوئے صحرائے صحارا کے درمیان ان کی گاڑی خراب ہوگئی۔برطانوی نشریاتی ادارے کے مطابق نائیجر ریڈ کراس کے ایک اہلکار لاول طاہر نے بتایا کہ قافلے میں شامل 6 خواتین زندہ بچنے میں کامیاب رہیں جو صحرا کے قریب واقع گاں پہنچیں اور واقعہ کی اطلاع دی۔انہوں نے کہا کہ ہلاک ہونے والوں میں متعدد بچے شامل ہیں جو گرمی کی شدت برداشت نہیں کرسکے اس سلسلے میں گھانا نائیجر اور لیبیا کے حکام رابطے میں ہیں جبکہ ایک ٹیم حادثے کے مقام پر روانہ کردی گئی ہے جو مزید معلومات اکھٹا کرے گی۔