سعودی عرب میں افسوسناک واقعہ

سعودی عرب (مانیٹرنگ ڈیسک) سعودی عرب کے شہر قطیف میں دہشت گردوں کی فائرنگ سے ایک پاکستانی سمیت 2افراد جاں بحق جبکہ 2پاکستانیوں سمیت 10افراد زخمی ہو گئے۔ سعودی وزارت داخلہ کے مطابق دہشت گردوں نے ترقیاتی منصوبے پر کام کرنے والے افراد پر فائرنگ کر دی جس سے 2سالہ سعودی بچہ اور موقع پر موجود ایک پاکستانی کارکن جاں بحق ہو گئے۔ فائرنگ سے 10افراد زخمی ہوئے‘ جن میں سے 6سعودی شہری شامل ہیں۔ زخمیوں میں سے ایک کی حالت نازک بتائی جاتی ہے‘ باقی 4زخمیوں میں 2پاکستانی‘ ایک سوڈانی اور ایک بھارتی شہری شامل ہیں۔ فائرنگ کے باعث 4سکیورٹی اہلکار بھی زخمی ہو گئے۔ سکیورٹی فورسز کی کارروائی میں ایک مطلوب ملزم کے مارے جانے کی اطلاع بھی ہے تاہم اس کی تصدیق نہیں ہو سکی ہے۔
سعودی عرب‘ فائرنگ