واشنگٹن(صباح نیوز)امریکی فوج میں ساتھی اہلکاروں کے ساتھ چھیڑ چھاڑ اور جنسی زیادتی کا انکشاف ہوا ہے۔غیر ملکی خبر ایجنسی کے مطابق امریکی محکمہ دفاع پنٹاگون کی جانب سے جاری رپورٹ میں انکشاف کیا گیا ہے کہ فوج میں گزشتہ ایک سال کے دوران ساتھی اہلکاروں کے ساتھ تقریبا 14ہزار 9سو جنسی حملے ، جسمانی چھیڑ چھاڑ اور جنسی زیادتی کے واقعات ہوئے ہیں۔خبر ایجنسی کے مطابق ان واقعات کی اطلاع دینے والے زیادہ تر افراد انتقامی کارروائی کا سامنا کررہے ہیں۔
