نئی دہلی (خصوصی رپورٹ) بھارت میں ایک اور چونکا دینے والا واقعہ سامنے آیا ہے جہاں ایک پنچایت نے بچھڑے کو مارنے کی سزا کے طور پر 5 سالہ بچی کی زبردستی شادی کرنے کا حکم دے دیا ہے۔ انڈین میڈیا رپورٹس کے مطابق ریاست مدھیہ پردیش کے ضلع گنا میں واقع تارپور گاﺅں میں تین سال پہلے جگدیش بنجارہ نامی ایک کسان نے بچھڑے کو مبینہ طور پر مار دیا تھا جس پر پنچایت نے جگدیش کے خاندان کا سماجی بائیکاٹ کر دیا‘ یہاں تک کہ ان پر ہینڈ پمپ سے پانی حاصل کرنے پر بھی پابندی عائد کر دی گئی اور اب تین سال سے بچھڑے کی موت کی سزا جھیل رہے اس خاندان کو برادری کے ایک نئے حکم نے توڑ کر رکھ دیا ہے۔