تازہ تر ین
pak and india

کلبھوشن کو سزائے موت،بھارت کا پاکستان پر اہم پابندی عائد کرنیکا فیصلہ

نئی دہلی(روزنامہ خبریںویب ڈیسک)پاکستان میں بھارتی جاسوس کلبھوشن کو سزائے موت دینے کے اعلان پر بھارتی حکومت اوچھے ہتھکنڈوں پر اتر آئی اور اس نے پاکستانی شہریوں پر ویزا پابندی عائد کرنے کا فیصلہ کیا ہے ۔بھارتی میڈیا کے مطابق بھارتی حکومت نے پاکستانی شہریوں پر ویزا پابندی کا فیصلہ کرلیا ہے بھارتی میڈیا نے دعویٰ کیا ہے کہ خصوصی طور پر پاکستانی فنکاروں ،گلوکاروں کو نشانہ بنایا جائے گا ۔واضح رہے کہ بھارتی جاسوس کلبھوشن یادیو کو فوجی عدالتوں سے سزائے موت دینے کے فیصلے کے بعد بھارتی حکومت حواس باختہ ہیں اور وہ طرح طرح کے بیانات دے کر دونوں ممالک میں کشیدگی کو بڑھانے میں مصروف ہیں دوسری جانب بھارتی جاسوس نے اپنے ویڈیو پیغام میں خودحاضر سروس نیول آفیسر ہونے اور بلوچستان میں” را “ایجنٹ کے طور پر کام کرنے کا اعتراف کیا ہے ۔یونی ویژن نیوز کے مطابق کلبھوشن یادیو کے والد نے بھی اس کے پاکستان میں بطور” را “ایجنٹ کے کام کرنے پر اظہار تشویش کرتے ہوئے بتایا کہ ہمیں کلبھوشن یادیو کے بارے میں کوئی معلومات نہ تھی پاکستانی میڈیا پر اس کی گرفتاری کی خبر سے قبل ہمیں یہ بتایا گیا تھا کہ وہ کاروبار کے سلسلے میں بھارت سے باہر گیا ہیں جس پر اس کے والد کا کہنا تھا کہ نیول آفیسر ہونے کے باوجود اس کا کاروبار کرنا سمجھ سے بالاتر تھا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv