”گائے نہیں عورت بچاﺅ “ جیا بچن نے مود ی کو آئینہ دکھا دیا

نئی دہلی (خصوصی رپورٹ) راجیہ سبھا کی رکن اداکارہ جیابچن نے پارلیمنٹ میں خطاب کے دوران گائے کی بجائے خواتین کو تحفظ دینے کا مطالبہ کر دیا۔ بھارت خواتین کیلئے غیرمحفوظ ملک بنتا جا رہا ہے جہاں آئے روز خواتین کے ساتھ جنسی زیادتی کے واقعات رونما ہوتے رہتے ہیں جبکہ بھارتی دارالحکومت نئی دہلی کو اس حوالے سے ”ریپ سٹی“ بھی قرار دیا گیا ہے اور کئی ممالک نے اپنی خواتین شہریوں کو بھارت کا سفر نہ کرنے کی ہدایت کی ہوئی ہے لیکن اب جیابچن نے بھی اسمبلی میں خواتین کے تحفظ کیلئے آواز بلند کر دی ہے۔ جیابچن نے پارلیمنٹ میں خطاب کے دوران خواتین کو تحفظ دینے کا مطالبہ کیا۔ پارلیمنٹ سے خطاب میں جیابچن کا کہنا تھا کہ ہم گائے کی حفاظت کیلئے تو بڑے بڑے اقدامات اٹھا رہے ہیں لیکن خواتین پر مظالم میں دن بدن اضافہ ہوتا رہا ہے لہٰذا ان کے تحفظ کیلئے بڑے اقدامات اٹھانے کی ضرورت ہے۔ واضح رہے کہ اداکارہ جیابچن گاہے بگاہے خواتین کے حقوق کیلئے پارلیمنٹ میں آواز اٹھارتی رہتی ہیں۔
جیابچن