لندن (نیٹ نیوز) برطانیہ کے شہزادے ہیری امریکی اداکارہ میگن مرکل کے ساتھ اپنے تعلقات کو اگلی سطح پر لے جانے کے لئے ان کو شاہی محل میں قیام کے لئے دعوت دیدی۔ شہزادہ ہیری جو کہ ولی عہد شہزادہ چارلس اور آنجہانی لیڈی ڈیانا کے چھوٹے بیٹے ہیں‘ ایک عرصہ سے میگن مرکل کے عشق میں مبتلا ہیں اور ان سے دوستی کی پینگیں بڑھا رہے ہیں۔ ذرائع کے مطابق شہزادہ ہیری اب میگن کے بارے سنجیدہ ہو چکے ہیں اور میگن کا تعارف شاہی خاندان سے کرانے کے لئے انہوں نے انہیں کنسنگٹن پیلس آ کر رہنے کی دعوت دیدی ہے۔ کنسنگٹن محل شہزادہ ولیم اور کیٹ کے محل کے ساتھ واقع ہے۔
![Prince-Harry-Meghan-](https://channelfivepakistan.tv/wp-content/uploads/2017/03/Prince-Harry-Meghan-Markle-.png)