باپ نے بیٹی کو موت کے گھاٹ اتار دیا ….وجہ انتہائی شرمناک

سیالکوٹ (خصوصی رپورٹ) لومیرج کی خواہش ظاہر کرنے والی 22 سالہ بیٹی کو باپ نے بھرے بازار میں ٹوکے کے وار کرتے ہوئے قتل کر دیا، بہن کو بچانے کے لیے آنے والی دوسری بیٹی شدید زخمی، باپ دونوں کو خون میں لت پت دیکھ کر دل کا دورہ پڑنے سے جاں بحق ہوگیا۔ پولیس نے دونوں باپ بیٹی کی نعشیں قبضہ میں لے لیں۔ بتایا گیا ہے کہ سیالکوٹ کے علاقہ مراد پور کے رہائشی صدیق کی جواں سالہ بیٹی صبا محلے دار طاہر نامی نوجوان سے لومیرج کرنا چاہتی تھی جس کا ذکر اس نے گھر والوں کے ساتھ کیا، گزشتہ روز صدیق بیٹی صباکے ہمراہ سٹاپ پر کھڑا تھا کہ دونوں باپ بیٹی کے درمیان تلخ کلامی ہوگئی جس پر طیش میں آکر صدیق نے قریب دکان میں پڑے ٹوکے کے پے درپے وار کرتے ہوئے صبا کو قتل کر دبا جبکہ اس کی بڑی بہن بچانے کے لیے آگے بڑھی تو ملزم نے اس پر بھی وارکرتے ہوئے زخمی کردیا۔دونوں بیٹیوں کو خون میں لت پت دیکھ کر بوڑھا باپ دل کا دورہ پڑنے سے جاں بحق ہوگیا۔