پانامہ اور ڈان لیکس …. اہم شخصیت کے سنسنی خیز انکشاف

راولپنڈی (مانیٹرنگ ڈیسک)عوا می مسلم لیگ کے سربراہ شیخ رشید نے کہاہے کہ آئندہ 2ہفتے پانامہ اور ڈان لیکس کیلئے بہت اہم ہیں اگر فیصلہ ہمارے خلاف بھی آیا تو قبول کریں گے۔نجی ٹی وی پروگرام میں گفتگو کرتے ہوئے شیخ رشید کا کہنا تھاکہ دنیامیں بہت سے ممالک نے پانامہ کا ایشو منظر عام پر آنے کے بعد اپنے ملک کا پیسہ وہاں سے واپس لے لیا لیکن ہمارے وزیراعظم نے ایسا نہیں کیا کیونکہ انہوں نے بیرون ملک جو پیسہ چ±ھپارکھا ہے اس میں نہ صرف ملک و قوم کا پیسہ ہے بلکہ اس میں ان کی اپنی ذاتی کرپشن سے کمائی ہوئی اچھی خاصی رقم موجود ہے۔انہوں نے کہا کہ اگر تحقیقات کی جائے تو ثابت ہوگا کہ میاں صاحب نے اپنے بچوں کے نام جائیدادیں بنا رکھی ہیں اور مجھے اچھی طرح یاد ہے کہ انہوں نے بار خود کہا تھا کہ کوئی بے وقوف ہی ہوگا جو لوٹی ہوئی دولت کو اپنے نام پر رکھے گا۔