پنچائتی فیصلے …. 5سالہ بیٹی کا 33 سالہ شخص سے نکاح

ملتان‘ جڑانوالہ (خصوصی رپورٹ) لودھراں میں 8 سال کی بچی پنچایت کے فیصلے پر ونی کردی گئی۔ والدین کے مطابق بیٹی کا زبردستی 33 سال کے شخص سے نکاح پڑھا دیا گیا ہے۔ پولیس کے مطابق واقعہ کا مقدمہ درج کرکے تین افراد کو گرفتار کرلیا گیا ہے جبکہ دیگر 9 افراد کی گرفتاری کے لئے چھاپے مارے جارہے ہیں۔ جاگیردار عمر کانجو‘ دولہا اور نکاح خواں بھی تاحال فرار ہیں۔ ادھر جڑانوالہ میں 12 سالہ بچی کی 35 سال کے شخص سے زبردستی نکاح کی کوشش۔ نیااخبار ٹیم نے پولیس کے ہمراہ پہنچ کر بچی کے باپ‘ دولہے اور باراتیوں کو گرفتار کرلیا۔ بتایا گیا ہے کہ 353 گ ب کوٹ کبیر کا رہائشی شخص مشتاق احمد اپنی 12 سالہ کی بچی بینش فاطمہ کا نکاح پیسوں کے عوض 35 سال کے میرعلی ولد غلام علی سے زبردستی کرنے کی کوشش کررہا تھا کہ علم ہونے پر نیااخبار ٹیم نے پولیس تھانہ صدر کے ہمراہ مذکورہ جگہ پر ریڈ کیا اور 35 سالہ دولہے امیرعلی‘ دلہن کے باپ مشتاق احمد اور باراتیوں کو گرفتار کرکے تھانہ صدر میں پابند سلاسل کردیا۔