اسلام آباد( این این آئی) عوامی مسلم لیگ کے سربراہ اسمبلی شیخ رشید احمد نے کہا ہے کہ 2017ءکا سال وحشت ناک اور خوفناک ہو گا، ڈر ہے کہیں اسمبلی کے باہر چھریاں اور گولیاں نہ چل جائیں۔یہاں میڈیا نمائندوں سے گفتگو کرتے ہوئے انہوں نے کہا کہ امیدہے 10 سے15 روز میں پانامہ کا فیصلہ آ جائے گا، ‘ اگر پانامہ لیکس پر کمیشن بنا تو کمیشن میں حاضر ہوں گا۔ انہوں نے کہا کہ کسی کی بہن بیٹی کو گالی دیں گے تو وہ مکا ہی مارے گا،مجھے تو ڈر ہے کہیں اسمبلی کے باہر چھریاں اور گولیاں نہ چل جائیں۔ انہوں نے سوال کے جواب میں کہا کہ فوجی عدالتوں پر نواز شریف اور آصف علی زرداری کا موقف ایک ہی ہے۔
