فکسنگ سکینڈل، عمر امین نے بکی کی پیشکش کا اعتراف کر لیا

لاہور(آئی این پی)پاکستان سپر لیگ (پی ایس ایل )سپاٹ فکسنگ سکینڈل میں بلے باز عمر امین سے بکی یوسف کی جانب سے فکسنگ کی پیشکش کا اعتراف کر لیا ہے،کرکٹر عمر امین نے بی سی بی ٹربیونل کو جمع کرائے گئے بیان حلقفی میں اعتراف کیا ہے کہ یوسف بکی سے روابط پرانے ہیں،بکی نے پی ایس یل میں2ڈاٹ بال کھیلنے کیلئے20لاکھ روپے کی پیشکش کی جسے یکسر مسترد کر دیا ، سرفراز احمد سے مشاورت کے بعد کرنل ریٹائرڈ اعظم سے ملاقات تمام تفصیلات انہیںبتادیں۔تفصیلات کے مطابق کرکٹر عمر امین کی جانب سے پی سی بی ٹربیونل کو جمع کرائے گیا بیان حلقفی منظر عام پر آگیا ہے، بیان حلفی کے مطابق عمر امین اور یوسف بکی کے روابط پرانے ہیں۔ بیان حلفی میں عمر امین نے یہ اعتراف کیا ہے کہ ہے اس کے اور بکی یوسف کے رابطوں کا سلسلہ کافی پرانا ہے اور جبکہ اسے 2 ڈاٹ بالز کے بدلے 20 لاکھ روپے کی آفر ہوئی۔عمر امین نے اعترافی بیان میں مزید لکھا ہے کہ وہ بکی یوسف انور کو 2014 انگلش لیگ کرکٹ سے جانتا ہے5جنوری کو اسے یوسف کا واٹس ایپ پیغام موصول ہوا تھا۔