پولیس کا پیٹی بھائی کیخلاف مقدمہ سے انکار ، متاثرہ شخص کا ” خبریں ہیلپ لائن “ کے توسط سے انصاف کا مطالبہ

سرگودھا( محمد کامران ملک سے ) پنجاب پولیس کی روایتی بے حسی برقرار ‘ایس ایچ او اربن ایریا اور فرنٹ ڈیسک عملہ کا پیٹی بند بھائیوں کیخلا درخواست رجسٹرڈ کرنے سے انکار ‘حکومت کی طرف سے لاکھوں روپے خرچ کرکے بنائے گئے فرنٹ ڈیسک بھی انصاف کی فراہمی میں بری طرح ناکام‘ایس ایچ او اربن ایریا اور فرنٹ ڈیسک عملہ تھانہ شاہپور سٹی کے تھانیدار کیخلاف کارروائی کرنے سے گریزاں ‘متاثرہ شخص دربدر ‘خبریں ہیلپ لائن کے توسط سے انصاف فراہم کرنے کا مطالبہ ‘تفصیلات کے مطابق چند روز قبل تھانہ شاہپور سٹی کے اے ایس آئی ممتاز نے پولیس ملازمین اور دیگر پرائیویٹ افراد کے ہمراہ محکمہ ایجوکیشن کے کلاس فوریونین کے ڈویژنل صدر یوسف جنجوعہ کے گھر رات گئے حملہ کیا اورچادر چار دیواری کا تقدس پامال کیا گرفتار کرکے تھانہ لے گئے اور ساری رات حوالات میںبے گناہ بند کئے رکھا جبکہ اگلے روز رہائی پانے کے بعدمذکورہ واقعہ کے متعلق تھانہ اربن ایریا میں قائم فرنٹ ڈیسک پر درخواست جمع کروانے کی کوشش کی تو عملہ نے درخواست میں پرائیویٹ افراد کے ساتھ پولیس ملازمین کے نام ہونے کی وجہ سے درخواست رجسٹرڈ کرنے سے انکار کر دیا اور کہا کہ ہم پولیس ملازمین کیخلاف درخواست نہیںلے سکتے ہیں جبکہ پوچھنے پر یہ کہ آپ درخواست درج کرنے کے پابند ہیں اس پر عملہ کا کہنا تھا کہ آئی جی پنجاب پولیس کی ایس او پی کے مطابق ہم پولیس ملازمین کیخلاف درخواست وصول نہیںکر سکتے آپ ایس ایچ او سے مل لیں جبکہ ایس ایچ او اربن ایریا سے ملنے پر انہوں نے کہا کہ میں تھانہ شاہپور سٹی کے ملازمین کیخلاف درخواست نہ لے سکتا ہوں ہم برابر رینک کے ملازمین ہی آپ ہائی کمان کو درخواست دیں وہ انکوائری کروالیں گے ۔حکام بالا سے فوری نوٹس لینے کا مطالبہ ۔