سات دن محبت ان کی کامیابی نے حوصلے بڑھادیئے :آمنہ الیاس

لاہور(شوبزڈیسک)ماڈل و اداکارہ آمنہ الیاس نے کہا ہے کہ سات دن محبت ان میں ایک منفرد کردار تھا جس میں اپنے طور پر بہتر پرفارمنس دینے کی کوشش کی ہے۔شائقین فلم نے میرے کردار کو پسند کیا جس کیلئے انکی مشکور ہوں فلم کی کامیابی ٹیم ورک کا نتیجہ ہے ،گو کہ میرا اور ماہرہ خان کا ایکساتھ کام نہیں تھا پھربھی ہم نے فلم کی عکسبندی کے دوران خوب انجوائے کیا اب تک تین فلمیں ریلیز ہوچکی ہیں ایک دو میں آئٹم گرل کے طور پر کام کرچکی ہوں ان فلموں کا رزلٹ کیسا بھی تھا فلم سات دن محبت ان کی کامیابی نے ہمارے حوصلے بڑھا دیئے ہیں جس کیلئے ہدایتکار اور رائٹر کی محنت کا ذکر نہ کرنا ان کیساتھ ناانصافی ہوگی۔ ان خیالات کا اظہار انہوں نے ایک ملاقات میں کیا۔ ا نکا مزید کہنا تھا ٹی وی اور فلم میں کام کرکے بہت کچھ سیکھا۔، میری اصل فیلڈ ماڈلنگ ہے بطور ماڈل مصروفیات کی بناپر شوبز کی دنیا کیلئے بھی وقت نکالنا کسی چیلنج سے کم نہیں۔