بلجیم سے ہار کر پاکستان میڈل دوڑسے باہر

بریڈا(سپورٹس ڈیسک)چمپئنزٹرافی ہاکی ٹورنامنٹ میں بلجیم نے پاکستان کو4-2سے ہرادیا۔شکست کے ساتھ گرین شرٹس کی میڈل جیتنے کی امیدیں بھی دم توڑگئیں۔قومی ٹیم اب 5ویں پوزیشن کے پلے آف میچ میں ایکشن میں نظرآئے گی۔ہالینڈکے شہربریڈامیں جاری میگاایونٹ میں پاکستان کو اپنے آخری راﺅنڈرابن میچ میں بلجیم کاچیلنج درپیش تھا۔محمدبلال نے گرین شرٹس کو پہلے کوارٹرمیں برتری دلائی ۔ دوسرے کوارٹرمیں کوئی ٹیم گول نہ کرسکی۔تیسرے کوارٹرمیں تھامس بریلزنے حساب چکادیا۔بلال نے پینلٹی کارنرپرگول کرکے پاکستان کو پھرسبقت دلائی۔اگلے ہی منٹ میں کویسٹرزنے گول کرکے میچ برابر کردیا۔ آخری کوارٹرمیں بلجیم کا پلڑا بھاری رہا۔ چارلیئر اور فلورینٹ کے گولزکی بدولت بلجیم نے4-2کی سبقت حاصل کرلی جوکھیل کے اختتام تک برقراررہی۔میگا ایونٹ میں آج کا پہلا میچ ارجنٹائن اور آسٹریلیا کی ٹیموں کے درمیان کھیلا جائیگا جبکہ دوسرا میچ میزبان ہالینڈ اور بھارت کی ٹیموں کے درمیان کھیلا جائیگا۔۔ پاکستان کی ٹیم میگا ایونٹ میں جمعرات تک محض ایک میچ میں کامیابی حاصل کر پائی تھی۔ اس سے قبل تین میچ کھیل چکی ہے جبکہ تینوں میں ہی اس کو شکست کا سامنا کرنا پڑا ہے۔ بھارت نے پہلے میچ میں پاکستان کو 4-0 سے شکست دی۔، دوسرے میچ میں آسٹریلیا کی ٹیم انتہائی سخت مقابلے کے بعد پاکستان کو 2-1 سے شکست دی جبکہ تیسرے میچ میں میزبان ہالینڈ نے پاکستان کو بآسانی 4-0 گول سے شکست دی۔پاکستان ٹیم نے اپنے چوتھے میچ میں ارجنٹائن کی ٹیم کو 4-1 گول سے شکست دی۔ میگا ایونٹ میں 6 مختلف ممالک کی ٹیمیں ٹائٹل کے حصول کیلئے پنجہ آزما ہیں۔ چیمپئنز ٹرافی ہاکی ٹورنامنٹ میں شرکت کرنے والی ٹیموں میں دفاعی چیمپئن آسٹریلیا، پاکستان،، بھارت،، میزبان ہالینڈ، ارجنٹائن اور بیلجیئم شامل ہیں۔ آسٹریلیا کی ٹیم ٹائٹل کا دفاع کریگی۔ ٹورنامنٹ میں آج ہفتہ کو فائنل سے قبل آخری دو میچ کھیلے جائینگے اور اس سلسلے میں پہلا میچ ارجنٹائن اور آسٹریلیا کے درمیان کھیلا جائیگا جبکہ دوسرا میچ ہالینڈ اور بھارت کے درمیان کھیلا جائیگا۔