یاسرکانام بھی سکروٹنی لسٹ میں شامل ہے،طاہرشاہ، عمراکمل کی طرح احمدشہزادبھی ٹیم کےلئے اچھا نام نہیں بنارہے، چینل ۵کے پروگرام” گگلی “ میں گفتگو

لاہور (مانیٹرنگ ڈیسک) فرسٹ کلاس کرکٹر طاہر شاہ نے کہا ہے کہ یاسر شاہ کا بھی ڈوپ ٹیسٹ ہو گا وہ سکروٹنی لسٹ میں ہیں۔ چینل فائیو کے کرکٹ پر تبصروں کے خصوصی پروگرام گگلی میں گفتگو کرتے ہوئے ان کا کہنا تھا کہ بابر اعظم کا پلاسٹر اترگیا ہے، انکا فٹنس ٹیسٹ لیا جائے گا۔ عماد وسیم اور رومان رئیس کو بھی پی سی بی نے فٹنس ٹیسٹ کیلئے بلایا ہے۔ زمبابوے میں آسٹریلیا کی ٹیم زیادہ مضبوط نہیں ہے۔ پاکستان کی جانب سے نئے لڑکے سیریز کے لیے جائیں تو کوئی مسئلہ نہیں ہو گا۔ کرکٹ کمنٹیٹر ساجد اسد علی خان نے کہا کہ عمراکمل کی طرح احمد شہزاد بھی پاکستان کیلئے اچھا نام نہیں بنارہے۔ ماری جواناکے استعمال کی خبریں بھارتی میڈیا مصالحے لگا کر پیش کر رہا ہے۔ پاکستان کرکٹ کے حوالے سے یہ خبر تشویشناک ہے۔ انہوں نے کہا کہ انکی جگہ شان مسعود ٹیم میں کھیل سکتے ہیں۔