اسلام آباد (ویب ڈیسک )پاکستان تحریک انصاف کے چیئرمین عمران خان عمرہ کی ادائیگی کیلئے سعودی عرب نجی کمپنی کا طیارہ چارٹر کر کے گئے ہیں جس کا فی گھنٹہ سفر کا کرایہ 8 لاکھ روپے ہے۔نجی ٹی وی کے مطابق عمران خان نجی کمپنی ’پرینسلے جیٹ ‘کا چیلنجر604 طیارہ چارٹر کر کے سعودی عرب عمرہ کی ادائیگی کیلئے گئے ہیں جس کے فی گھنٹہ سفر کا کرایہ 8 لاکھ روپے ہے اور اس میں دس نشستیں ہوتی ہیں،عمران خان کے ہوائی سفر کا آغاز اسلام آباد سے ہوا ، طیارہ پہلے اسلا م آباد سے لاہور گیا جہاں ان کے اہل خانہ کو لے کر واپس اسلام آبادآیا اور پھر وہاں سے عمران خان مدینہ کیلئے روانہ ہوئے۔ عمران خان بدھ کو عمرہ کی ادائیگی کیلئے مدینہ سے جدہ جائیں گے اور اسی روز اسلام آباد واپس آئیں گے۔ عمران خا ن کے مجموعی ہوائی سفر 13 گھنٹوں پر مشتمل ہو گا اور اس کا خرچہ ایک کروڑ سے زائد ہو گا۔
