مظفرگڑھ(ویب ڈیسک)مظفرگڑھ کے علاقہ شہرسلطان کے ایک گھر میں 4 ملزمان نے2خواتین پر تیزاب پھینک دیا۔متاثرہ خواتین میںسے ایک خاتون کا 50 فیصدحصہ جل گیاجبکہ دوسری معمولی زخمی ہوئی ہے۔پولیس ذرائع کے مطابق خواتین پر تیزاب پھینکنے کا واقعہ مظفرگڑھ کے علاقہ شہرسلطان کے ایک گھر میں پیش آیا جہاں 4 ملزمان 2خواتین پر تیزاب پھینک کر فرار ہو گئے۔پولیس کا کہنا تھا کہ متاثرہ خواتین کو نشتر اسپتال ملتان منتقل کردیاگیا ہے۔ خواتین میںسے ایک خاتون کا 50 فیصدحصہ جل گیا اور دوسری معمولی زخمی ہوئی ہے۔پولیس کا مزید کہنا تھا کہ ابتدائی تفتیش کے مطابق فریقین میں زمین کا تنازع ہے اور واقعے کامقدمہ درج کر لیا گیا ہے۔
