اکشے کمار اور دبنگ خان بارے اہم انکشاف

ممبئی(ویب ڈیسک) سلمان خان کے بارے میں مشہور ہے کہ جب وہ ایک بار کسی سے وعدہ کرلیں تو پھر وہ اسے پورا کرکے ہی دم لیتے ہیں ایسا ہی ہوا ہے بالی ووڈ کے کھلاڑی اکشے کمار کو اپنی فلم میں ہیرو کے طور پر لینے کے اعلان میں۔ اس سلسلے میں فلم نگری میں گردش کررہی افواہوں پر انہوں نے اپنے مداحوں کو پیغام دیا ہے کہ وہ اپنی بات پر قائم رہیں گے۔سلمان خان نے ٹویٹ کرتے ہوئے اپنے مداحوں سے کہا کہ وہ افواہوں پر کان نہ دھریں بلکہ ان کی بات مانیں اور ”ایک بار جو میں نے کمٹمنٹ کردی تو پھر… میں اکشے کمار کے ساتھ بالکل فلم کررہا ہوں۔اس سال شروع میں سلمان خان نے اعلان کیا تھا کہ وہ پروڈیوسر کرن جوہر ایک فلم میں اکشے کمار کے ساتھ بطور معاون اداکار جلوہ گر ہوں گے۔ سلمان خان کا کہنا تھا اگرچہ ابھی تک اس فلم کے نام کا فیصلہ نہیں ہوا ہے لیکن اکشے کمار اس کے ہیرو ہوں گے جبکہ کرن جوہر کے ساتھ وہ خود بھی اس فلم کے شریک پروڈیوسر ہوں گے جبکہ یہ 2018 میں ریلیز کی جائے گی۔اس فلم کےلئے بطور ڈائریکٹر انوراگ سنگھ کا نام سامنے آیا ہے جو اس سے پہلے ’رقیب‘ اور ’جٹ اینڈ جولیٹ‘ جیسی فلمیں بناچکے ہیں۔