والدہ کی علالت، احمد شہزاد ویسٹ انڈیز سے وطن واپس آ گئے

ڈومینیکا (آئی این پی) احمد شہزاد والدہ کی علالت کے سبب دورہ ویسٹ انڈیز ادھورا چھوڑ کر وطن واپس آ گئے ۔ احمد شہزاد نے والدہ کی بیماری کی سبب ٹیم مینجمنٹ سے درخواست کی کہ انہیں دورہ ادھورا چھوڑ کر وطن واپسی کی اجازت دی جائے ، مینجمنٹ نے ان کو وطن واپسی کی اجازت دے دی۔اوپنر کی والدہ اس وقت شدید علیل ہیں کیونکہ چند ہفتوں قبل ہی ان میں ایک سنگین نوعیت کی بیماری کی تشخیص ہوئی تھی جس کے باعث وہ فوری طور پر وطن واپس لوٹنا چاہتے تھے تاکہ چیمپئنز ٹرافی کیلئے انگلینڈ روانگی سے قبل اپنے اہلخانہ کے ساتھ کچھ وقت گزار سکیں۔ذرائع کے مطابق احمد شہزاد کی اپنی ٹیم طبیعت بھی ناساز تھی اور وہ پہلی دستیاب فلائٹ سے وطن واپس لوٹ رہے ہیں۔یاد رہے کہ احمد شہزاد کی دورہ ویسٹ انڈیز کے ذریعے ہی قومی ٹیم میں واپسی ہوئی ہے اور ٹی ٹونٹی اور ون ڈے سیریز کے بعد وہ ٹیسٹ سیریز میں بھی نمایاں کارکردگی دکھانے سے قاصر رہے جس کے سبب سابق کرکٹرز نے ان کی سلیکشن کو تنقید کا نشانہ