ہوم سیریزبھارت میں کھیلنے کو تیار

کراچی (آئی این پی) پاکستان کرکٹ بورڈ (پی سی بی) کے چیئرمین شہریار خان نے کہا ہے کہ سکیورٹی خدشات کے باوجود اپنی ہوم سیریزبھارت میں کھیلنے کو تیار ہیں ، مصباح، یونس اورشاہد آفریدی چوٹی کے کھلاڑی ہیں انہیں عزت کےساتھ رخصت کریں گے، یونس اورمصباح کوبورڈ میں کوئی ذمہ داری سونپی جاسکتی ہے، فکسنگ اسکینڈل میں بورڈ کسی پلیئر پردباو¿نہیں ڈال رہا،معطل کر کٹرزاگر ایسا قدم اٹھاتے ہیں جس سے ان کا فائدہ ہو تو انکی حوصلہ افزائی کریں گے،پی ایس ایل تھری کے کچھ میچزکراچی میں بھی ہوں۔جمعرات کو کراچی پریس کلب میں میٹ دی پریس سے خطاب کرتے ہوئے چیئرمین پی سی بی نے کہا کہ بورڈ کی مالی حالت ٹھیک ہے لیکن بھارت کے نہ کھیلنے سے نقصان ہوا،آئی سی سی نے بھی تسلیم کیا ہے کہ پاک بھارت سیریزمیں سب سے زیادہ پیسہ ہے۔ انہوں نے کہا کہ سیکیورٹی خدشات کے باوجود پاکستان بھارت سے اس کی سرزمین پریا نیوٹرل وینیو پرسیریزکھیلنے کیلئے تیارہے۔تمام آپشنز پر غور کرنے کو تیار ہیں مگر اس سے پہلے بی سی سی آئی کو پاکستان کیساتھ کھیلنے پر رضامند ہونا ہو گا۔کراچی کی پہلی فور سٹار کرکٹ اکیڈمی سے متعلق سوال پر انہوں نے کہا کہ وہ تیاری کے آخری مراحل میں ہے۔ ان کا کہنا تھا کہ ”کراچی میں اکیڈمی تیار ہے اور اب ہم اکیڈمی کا سربراہ تلاش کرنے کیلئے اشتہار دیں گے۔ ہم دیکھیں گے کہ کون آگے آتا ہے اور پھر سوچیں گے کہ کسے ذمہ داری سونپنی ہے۔شہریارخان نے کہا کہ یونس خان اورمصباح الحق کی ریٹائرمنٹ پرافسوس ہے، مصباح، یونس اورشاہد آفریدی چوٹی کے کھلاڑی ہیں انہیں عزت کےساتھ رخصت کریں گے، یونس اورمصباح سے بات کرکے انہیں بورڈ میں کوئی ذمہ داری سونپی جاسکتی ہے۔چیئرمین پی سی بی نے کہا کہ فکسنگ اسکینڈل میں بورڈ کسی پلیئر پردباو¿نہیں ڈال رہا اور خالد لطیف پر کرکٹ بورڈ کسی بھی قسم کا دباﺅ نہیں ڈال رہا ، ان کیخلاف کیس ہے اور اگر وہ ایسا قدم اٹھاتے ہیں جس سے ان کا فائدہ ہو تو وہ ان کی حوصلہ افزائی کریں گے۔ عرفان کی طرح دیگرکرکٹرزکیلئے بھی راستہ کھلا ہے اگروہ چاہیں تواقرارکرلیں۔انہوں نے کہا کہ کراچی میں دوتین سال سے امن ہے، ان کی کوشش ہے کہ پی ایس ایل تھری کے میچزکراچی میں بھی ہوں، نیشنل سٹیڈیم کراچی کے قریب فائیو سٹار ہوٹل بنا رہے ہیں تاکہ غیرملکی ٹیموں کو سٹیڈیم کے قریب ٹھہرانے کا انتظام کیا جا سکے کیونکہ ہوٹل سے سٹیڈیم تک کا لمبا سفر سیکیورٹی خدشات کا باعث بنتا ہے۔قبل ازیں چیئرمین پی سی بی شہریار خان کی کراچی پریس کلب پہنچے جہاں انہیں سندھی ٹوپی اور اجرک پہنائی ۔