ثانیہ مرزا کو بڑی کامیابی مل گئی ،شعیب ملک بھی خوش

میڈرڈ (ویب ڈیسک) سٹار بھارتی کھلاڑی ثانیہ مرزا میڈرڈ اوپن ٹینس ٹورنامنٹ ویمنز ڈبلز کوارٹرفائنل میں پہنچ گئیں، مرزا اور یروسلاوا نے پری کوارٹرفائنل میں امریکا اور رومانوی جوڑی کو شکست دی۔ سپین میں جاری ایونٹ میں منگل کو کھیلے گئے ویمنز ڈبلز ایونٹ کے پری کوارٹرفائنل میچ میں ثانیہ مرزا اور ان کی قزاخستان کی جوڑی دار یروسلاوا نے شاندار کارکردگی کا مظاہرہ کرتے ہوئے امریکہ کی کرسٹینا میکہالے اور ان کی رومانوی جوڑی دار مونیکا نیکولیسکو کو سٹریٹ سیٹس میں 6-1 اور 7-5 سے ہرا کر کوارٹرفائنل کیلئے کوالیفائی کیا۔