ممبئی (شوبز ڈیسک) بالی ووڈ کے میگا اسٹار امیتابھ بچن اور رشی کپور 26 سال بعد ایک بار پھر کسی فلم میں ایک ساتھ جلوہ گر ہوں گے۔ بالی ووڈ اسٹار امیتابھ بچن اور رشی کپور دونوں ہی ماضی کے سپر اسٹار ہیں جنہوں نے کئی فلموں میں ایک ساتھ کام کیا جس میں امر اکبراینتھونی، کبھی کبھی، نصیب، قلی اور عجوبہ قابل ذکر ہیں لیکن اب یہ ماضی کی سپر ہٹ جوڑی ایک بار پھر جلوہ گر ہونے کو تیار ہے۔بھارتی میڈیا رپورٹس کے مطابق بالی ووڈ اسٹار امیتابھ بچن اور رشی کپور نے نوجوان ہدایت کار امیش شکلا کی فلم ’102 ناٹ آو¿ٹ‘میں کام کرنے کی حامی بھرلی ہے۔ فلم میں امیتابھ بچن رشی کپور کے والد کے کردار میں نظر آئیں گے اور فلم کی کہانی 102 سالہ گجراتی دتاریا وکھاریہ کی زندگی کے گرد گھومتی ہے
