نٹالی پورٹمین کا اسرائیلی پالیسیوں پر احتجاج ‘ایوارڈ لینے سے انکار

بیت المقدس(شوبزڈیسک) ہالی وڈ کی عالمی شہرت یافتہ اداکارہ نتالی پورٹمین نے اسرائیل کے وزیراعظم کی پالیسیوں کے خلاف احتجاج کرتے ہوئے تل ابیب میں منعقد ہونے والی جینیس پرائز ایورڈ کی تقریب میں شرکت سے انکار کردیا۔فرانسیسی خبر رساں ادارے کے مطابق اداکارہ نتالی پورٹمین نے موقف اختیار کیا کہ ‘مذکورہ تقریب میں اسرائیلی وزیراعظم بنجمن نیتن یاہو خطاب کریں گے اور میری موجودگی ان کے بیان کی حمایت تصور ہو گی‘۔واضح رہے کہ گزشتہ برس نومبر میں نتالی پورٹمین کو ان کے سماجی کاموں اور یہودیوں کے ساتھ گہرے مراسم کے اعتراف میں اسرائیل نے جینئس پرائز 2018 کے اعزاز سے نوازا تھا۔جینئس پرائز فاو¿نڈیشن کے مطابق نتالی پورٹیمن نے بیت المقدس میں منعقد ہونے والی تقریب میں شرکت سے انکار کردیا۔
جس کے بعد وہ انعامی رقم 20 لاکھ ڈالر سے بھی محروم ہو جائیں گی۔دوسری جانب نتالی پورٹمین کے ترجمان نے فاو¿نڈیشن کو آگاہ کیا کہ وہ اسرائیل میں ‘حالیہ واقعات‘ کے تناظر میں پریشان ہیں اور ‘اسرائیل میں کسی بھی عوامی نوعیت کی تقریب میں شرکت کے لیے تیار نہیں’۔بیک وقت امریکا اور اسرائیل کی شہریت رکھنے والی اداکارہ نتالی پوٹیمین غزہ پٹی اور اسرائیل کی سرحد پر احتجاج کرنے والے پر امن فلسطینی مظاہرین کے قتل عام پر شدید ذہنی اذیت میں مبتلا ہیں۔