پنجاب میں عطائی ڈاکٹروں کی لوٹ مار جاری،چیف جسٹس سپریم کورٹ نوٹس لیں ،عوامی حلقے

لاہور (ویب ڈیسک)پنجاب میں عطائی ڈاکٹر جعلی ڈگریوں کے بل بوتے پر نہ صرف لوگوں کی زندگیوں سے کھیل رہے ہیں بلکہ دھڑے سے اپنا کاروبار بی چلا رہے ہیں جن کو کوئی پوچھنے والا نہیں ۔چند روز ایکشن ہوتا ہے پھر عطائی مارکیٹ سے عارضی طور پر غائب ہو جاتے ہیں چند ماہ بعد کلینک کھول کر لوگوں کی قیمتی زندگیوں کھیلنا شروع کر دیتے ہیں ۔اب تو حالات یہ ہیں کی بے شمار عطائی ڈاکٹروں نے گھروں میں چھپ کر دانتوں اور دیگر امراض کیلئے علاج کے نام پر کاروبار شروع کر رکھا ہے ۔غریب عوام سرکاری ہسپتالوں میں ناکافی انتظام اور خراب صورتحال کی وجہ سے ایسے عطائیوں کے نرغے میں پھنسنے پر مجبور ہیں ۔عوامی حلقوں نے چیف جسٹس سپریم کورٹ ثاقب نثار سے مطالبہ کیا ہے کہ خیبر پختونخواہ کی طرح پنجاب میں بھی عطائی ڈاکٹروں اور جعلی حکیموں کیخلاف کریک ڈاﺅن کر کےانہیں 10سا ل جیلوں میں ڈالا جائے ۔عوامی حلقوں کا کہنا ہے کہ ہیلتھ کمیشن بھی ائیر کنڈیشن کمروںسے باہر نکلنے کو تیار نہیں جن سے ایسی تمام قباحتیں جنم لیتی ہیں