پی سی بی کپتان کو ہی بھول گیا،سرفراز کو فائنل دیکھنے کےلئے دعوت نہ دی

کراچی(آئی این پی) کراچی میں فائنل کے دوران انتظامیہ نے متعدد خصوصی مہمانوں کو بھی فائنل میچ دیکھنے کی دعوت دی لیکن کپتان سرفراز احمد کسی کو بھی نظر نہیں آئے۔فائنل میچ دیکھنے آنےوالے مہمانوں میں شاہد آفریدی اور سابق کرکٹر ظہیر عباس سمیت کئی سیاسی رہنما بھی شامل تھے۔سرفراز کے اسٹیڈیم میں موجود نہ ہونے کے حوالے سے ذرائع کا کہنا ہے کہ قومی ٹیم کے کپتان سرفراز احمد کو باضابطہ طور پر فائنل دیکھنے کی دعوت نہیں دی گئی۔یاد رہے کہ سرفراز احمد پی ایس ایل 3 کے آفیشل گانے میں بھی شامل نہیں تھے۔اس حوالے سے پاکستان کرکٹ بورڈ نے کوئی باضابطہ جواب نہیں دیا تاہم بورڈ میں موجود ذرائع کا کہنا تھا کہ چونکہ سرفراز کوئٹہ گلیڈی ایٹرز کے کپتان کی حیثیت سے ٹورنامنٹ کھیل رہے تھے اس لیے انہیں کسی باضابطہ دعوت نامے کی ضرورت نہیں تھی۔تاہم کوئٹہ گلیڈی ایٹرز کے ٹورنامنٹ سے باہر ہونے کے بعد بھی سرفراز کو دعوت نہ دینا حیران کن ہے۔