اسلام آباد (مانیٹرنگ ڈیسک) چیف جسٹس آف پاکستان جسٹس میاں ثاقب نثار نے پاناما کیس کی مشترکہ تحقیقاتی ٹیم کیلئے تین رکنی بینچ تشکیل دے دیا۔ میڈیا رپورٹس کے مطابق پاناما کیس کے فیصلے میں خصوصی بینچ نے جے آئی ٹی کی تشکیل کا حکم دیا تھا جس کے بعد مختلف اداروں سے جے آئی ٹی کیلئے نام مانگے گئے۔ اداروں کے نام بھجوانے کے بعدمنگل کوپاناما کیس سننے والے ججز کا اجلاس ہوا۔ اجلاس کے بعد چیف جسٹس نے جسٹس اعجاز افضل خان کی سربراہی میں تین رکنی بینچ تشکیل دے دیا۔ بینچ میں جسٹس اعجاز الاحسن اور جسٹس عظمت سعید شیخ بھی شامل ہوں گے۔ یہ بینچ بدھ کو دوپہر ڈیڑھ بجے کھلی عدالت میں کیس کی سماعت کرنے کے بعد جے آئی ٹی کی تشکیل کا فیصلہ سنائے گا۔