فرانس کے سابق صدرنکولس سرکوزی کو گرفتار کرلیا گیا

پیرس (نیٹ نیوز) فرانس کے سابق صدر بکولس سرکوزی کو انتخابی مہم میں لیبیا کے سابق رہنما معمر قذافی سے فنڈنگ حاصل کرنے کے الزام میں گرفتار کرلیا گیا۔بین الاقوامی میڈیا رپورٹس کے مطابق فرانسیسی پولیس 2007ءکے صدارتی انتخابات میں غیر ملکی فنڈنگ کی تحقیقات کررہی ہے اور اس ضمن میں سابق صدر بکولس سرکوزی کو بھی تفتیش میں شامل کیا گیا۔ جوڈیشل ذرائع کا کہنا ہے کہ 2007ءسے 2012ءتک 5 سال صدر رہنے والے 63 سالہ نکولس سرکوزی کو گرفتار کرکے پیرس کے نواحی علاقے میں منتقل کیا گیا جہاں ان سے پوچھ گچھ کی گئی۔ 2013ءمیں فرانس نے صدارتی انتخابات میں فارن فنڈنگ کے استعمال کے الزامات کی تحقیقات کا آغاز کیا تھا جس میں پہلے بھی سابق صدر نکولس سے تفتیش کی گئی تھی تاہم سابق صدر ان الزامات کی تردید کرتے رہے ہیں۔