لاہور (نیٹ نیوز) دنیا بھر کے حجام اپنے گاہکوں کے بال کاٹنے کیلئے منفرد اوزار، آلات اور انداز اپناتے ہیں لیکن اس روسی حجام کے تو کیا ہی کہنے جس نے بال کاٹنے کا خطرناک انداز اپناتے ہوئے انٹرنیٹ پر دھوم مچادی ہے۔ روس کے شہر نووسیبیرسک میں ڈینل ستومین نامی حجام قینچی کے روایتی طریقے سے ہٹ کر بال کاٹنے کیلئے کلہاڑی کا استعمال کرتا ہے۔ اس حجام کے پاس بال کٹوانے کیلئے آنیوالے گاہکوں کو بھی شاید اس پر حد سے زیادہ بھروسہ ہے جبھی تو وہ بنا کوئی حیل و حجت کیے مختلف سٹائل میں بال کٹواتے ہیں۔
