پہلی فلم ریلیز ہونے کے بعد عینی جعفر مشکلات میں گھِر گئیں

لاہور(کلچرل رپورٹر)پہلی فلم کے فلاپ ہونے سے پروڈیوسراداکارہ عینی جعفری کو کاسٹ کرنے سے گریزکرنے لگے،بڑی سکرین پرکام کرنے کا خواب بکھرگیا۔ ٹیلی ویژن کی معروف اداکارہ و ماڈل عینی جعفری نے چندماہ قبل ریلیز ہونے والی فلم” بالو ماہی“کے ذریعے سلورسکرین پرانٹری دی لیکن یہ فلم بری طرح فلاپ رہی جس کے بعد ایسے بہت سے پروڈیوسر جو پہلے عینی جعفری سے رابطے کررہے تھے انہیں کاسٹ کرنے سے گریز کرنے لگے۔اس بارے میں ذرائع نے بتایا ہے کہ عینی جعفری خود بھی مزیدفلموں میں کام کرنے کے لئے دلچسپی لے رہی تھیں ۔جبکہ کئی لوگوں سے ان کے رابطے بھی تھے لیکن جیسے ہی ان کی فلم فلاپ ہوئی سب نے خاموشی اختیار کرلی جس کے بعد اب عینی جعفری صرف فیشن اور ٹی وی پر ہی کام کررہی ہیں۔