کیویز کا کوئی جادو کام نہ آیا …. پاکستان کی دھماکے دار جیت

ماؤنٹ مانگنوئی(ویب ڈیسک) پاکستان نے تیسرے اور آخری ٹی ٹوئنٹی میچ میں نیوزی لینڈ کو 18 رنز سے شکست دے کر 3 میچوں کی سیریز اپنے نام کرلی۔ اوول میں کھیلے گئے تیسرے اور آخری ٹی ٹوئنٹی میچ میں پاکستان کے 182 رنز ہدف کے تعاقب میں نیوزی لینڈ کی پوری ٹیم 163 رنز پر ڈھیر ہوگئی۔تیسرے ٹی ٹوئنٹی میچ میں نیوزی لینڈ نے بیٹنگ کا آغاز کیا تو 32 رنز کے مجموعی اسکور پر کیویز کپتان 9 رنز بناکر آؤٹ ہوگئے۔مارٹن گپتل شاندار 59، انارو کچن 19، کولن ڈی گرینڈ ہوم ایک، روس ٹیلر 25، ٹوم بروس 22 رنز بناکر پویلین لوٹے۔اس سے قبل پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 3 وکٹوں کے نقصان پر 181 رنز بناکر نیوزی لینڈ کو جیت کے لیے 182 رنز کا ہدف دیا۔