امریکی سرزمین پرقومی پرچم سربلند

نیویارک(نیوزایجنسیاں)پاکستان کے نوعمرکھلاڑی محمد حذیفہ ابراہیم نے انڈر-13 ہوسٹن جونیئر انٹرنیشنل اسکواش چمپیئن شپ 2017 کے فائنل میں بھارتی نژاد امریکی کھلاڑی کو شکست دے کر چمپیئن بننے کا اعزاز حاصل کرلیا۔حذیفہ نے کیریئرکی ساتویں کامیابی حاصل کی۔امریکا کے شہر ہوسٹن میں کھیلی گئی چمپیئن شپ کے فائنل میں حذیفہ نے بھارتی کے روہیل باتھیجا کو 3-2 سے زیر کر کے ٹرافی حاصل کرلی۔حذیفہ اور روہیل باتھیجا کے درمیان دلچسپ مقابلہ ہوا تاہم پاکستانی کم سن کھلاڑی نے مخالف کھلاڑی کو 11-1، 4-11، 11-7، 9-11 اور 13-11 سے زیر کرلیا۔چمپئن شپ کے منتظم جہانزیب خان نے فاتح کھلاڑی کو ٹرافی تھمادی۔۔خیال رہے کہہ حذیفہ کی بین الاقوامی سطح پر یہ ساتویں بڑی کامیابی ہے اور اب تک 7 ٹرافی جیت چکے ہیں۔پاکستان کی تاریخ اسکواش کے حوالے سے بڑی روشن ہے جہاں جہانگیر خان اور جان شیر خان نے 80 اور 90 کی دہائی میں دنیا میں ملک کا نام روشن کیا۔