فنکاروں نے ایف بی آر کے احکامات ہوا میں اڑا دئیے

لاہور(شوبز ڈیسک) پاکستان فلم انڈسٹری کی چار معروف گلوکارو اداکارہ نے ایف بی آر کے احکامات ہوا میں اڑا دئیے بتایاگیا ہے کہ ایف بی آر نے اداکارہ صائمہ ،اداکارہ خوشبو اور اداکارہ نور سمیت گلوکارہ فریحہ پرویز کے گھروں کے باہر نوٹسز چسپاں کئے تھے جن میں ان قومی ستاروں کو ہدایات جاری کی گئیں تھیں کہ وہ ستائیس دسمبر تک مالی سال 2013-14ءکے انکم ٹیکس کے گوشواروں کی کاپیاں اپنے اثاثہ جات کی تفصیلات سمیت دیگر مالی ریکارڈ ایف بی آر کے پاس جمع کروائیںلیکن ستائیس دسمبر کی حتمی تاریخ گزر جانے کے باوجود ان اداکاراﺅں و گلوکارہ نے ایف بی آر کو کوئی ریکارڈ فراہم نہیں کیا جس کی روشنی میں ایف بی آر نے ان شخصیات کیخلاف قانونی کارروائی کا آغاز کرتے ہوئے انہیں ایک مرتبہ پھر شوکاز نوٹسز جاری کر دئیے ہیں ایف بی آر ذرائع کا کہناہے کہ ان شخصیات نے شوکاز نوٹسز جاری کرنے کے باوجود ایف بی آر کو ریکارڈ فراہم نہیں کیا تو ایف بی آر قانون کے مطابق دوسرے مرحلے کی کارروائی شروع کر دے گی۔