امریکہ کی بار بار دھمکیوں کے بعد پاکستان کا کرارا جواب

لاہور (ویب ڈیسک)امریکی نائب صدر مائیک پینس کے پاکستان سے متعلق بیان پر دفتر خارجہ نے شدید ردعمل کا اظہار کرتے ہوئے کہا ہے کہ اتحادی ممالک ایک دوسرے کو نوٹس پر نہیں رکھا کرتے۔مائیک پینس کے بیان پر ردعمل دیتے ہوئے ترجمان دفتر خارجہ نے کہا کہ اتحادی ممالک ایک دوسرے کو نوٹس پر نہیں رکھا کرتے، نوٹس پر ان کو ہونا چاہیے جہاں منشیات کی پیداوار اور کرپشن میں اضافہ ہوا۔دہشت گردوں کو پناہ دینے سے پاکستان کو بہت کچھ کھونا پڑے گا: امریکی نائب صدریاد رہے کہ امریکی نائب صدر مائیک پینس نے اپنے تازہ ترین بیان میں کہا کہ دہشت گردوں کو پناہ دینے سے پاکستان کو بہت کچھ کھونا پڑ ے اور امریکی صدر ڈونلڈ ٹرمپ نے پاکستان کو نوٹس پر رکھا ہوا ہے۔ترجمان دفتر خارجہ نے کہا کہ نوٹس پر افغانستان کو ہونا چاہیے جو دوسروں پر الزام تراشی کرتا ہے، جن کی مختلف علاقوں میں عملداری کم ہوئی اور جہاں داعش نے اپنے قدم جمائے۔ترجمان دفتر خارجہ کی جانب سے مزید کہا گیا کہ افغانستان میں قیام امن اور مفاہمتی عمل کے طریقہ کار پر بھی توجہ دینی چاہیے، اور پھر نوٹس پر ان کو ہونا چاہیے جو دوسروں پر الزام تراشی کرتے ہیں۔