معروف گلوکارہ اور سنگیت کار میں شادی لے 12سال بعد علیحدگی

لاہور( خصوصی رپورٹ) گلوکارہ عذرا جہاں اور سنگیت کار ذوالفقار عطرے کے درمیان علیحدگی ہو گئی۔ معروف گلوکارہ اور سنگیت کار کی سنگت 12سال بعد دم توڑ گئی۔ باقاعدہ علیحدگی ہونے پر دونوں میں اپنی اپنی جگہ خوش اور مطمئن نظر آتے ہیں۔ تفصیلات کے مطابق معروف گلوکارہ عذرا جہاں نے معروف سنگیت کار ذوالفقار عطرے کی دھنوں پر 100 سے زائد مقبول گیت گائے۔ 2005ءمیں دونوں رشتہ ازدواج میں بندھ گئے مگر کچھ عرصہ قبل دونوں نے علیحدگی اختیار کرلی تھی۔ گزشتہ روز دونوں کی باقاعدہ علیحدگی منظرعام پر آگئی۔ ذرائع کے مطابق عذرا جہاں اور ذوالفقار عطرے نے خاموشی سے علیحدگی کے فیصلے کو تسلیم کرلیا ہے اور دونوں ہی اپنی اپنی جگہ خوش اور مطمئن نظر آتے ہیں۔