”لَو یو لالہ“….نجم سیٹھی نے بڑی خبر سُنا دی

لاہور (خصوصی رپورٹ) پی سی بی ”لالہ“ کے تمام گلے شکوے دور کریگا، آفریدی کو بھی اس عزت سے رخصت کریگا جیسے مصباح الحق اور یونس خان کو کرنے کا اعلان کیا ہے۔ آفریدی دونوں عظیم کھلاڑیوں کو عزت دینے پر خوشی کا اظہار کیا مگر اپنی بے توقیری کی بھی دبے الفاظ میں اظہار کر چکے ہیں۔ گزشتہ روز پی سی بی ایگزیکٹو کمیٹی کے سربراہ نجم سیٹھی نے سماجی رابطے کی ویب سائٹ پر ٹوئٹ کرتے ہوئے کہا کہ وہ شاہد آفریدی کو آئی سی سی چیمپنئز ٹرافی کاسفیر مقرر ہونے پر مبارکباد دیتے ہیں۔ انہوں نے کہا کہ یہ ان کے اور ملک کے لیے اعزاز کی بات ہے۔ آفریدی پاکستان کے ہیرو ہیں ان سے جلد ملاقات کرنے کے بعد الوداعی تقریب کا پروگرام طے کرونگا۔ انہوں نے ”لو یو لالہ“ کے الفاظ سے آفریدی سے محبت کا اظہار کیا۔ذرائع کے مطابق نجم سیٹھی نے شاہد آفریدی کو فون کرکے لاہور بلایا ہے۔ عنقریب ملاقات میں معاملات طے ہونےوالے ہیں۔