ون ڈے سیریزمیں حفیظ اورحسن علی چھا گئے

لاہور (اے پی پی ) پاکستان کرکٹ ٹیم نے ویسٹ انڈیز کے خلاف نہ صرف ون ڈے سیریز 2-1 سے جیت لی بلکہ پاکستانی بلے باز ون ڈے سیریز میں سب سے زیادہ رنز بنانے کے حوالے سے بھی پہلی تینوں پوزیشنز لے اڑے جبکہ بولنگ میں بھی حسن علی پہلے نمبر پر رہے ۔ پاکستان اور ویسٹ انڈیز کے مابین تین میچوں پر مشتمل ون ڈے سیریز میں سب سے زیادہ رنز محمد حفیظ نے بنائے۔ انہوں نے تین ون ڈے میچز میں 67کی اوسط سے 201 رنز بنائے۔ شعیب ملک دوسرے نمبر پر رہے۔ انہوں نے تین میچز میں 81.50کی اوسط سے 163رنز بنائے جس میں ایک سنچری بھی شامل ہے جبکہ بابر اعظم تیسرے نمبر پر رہے۔ انہوں نے تین ون ڈے میچز میں 77 کی اوسط سے 154رنز بنائے جس میں ایک سنچری بھی شامل ہے۔ ون ڈے سیریز میں باﺅلنگ میں سب سے زیادہ وکٹیں حسن علی نے حاصل کیں۔ انہوں نے تین میچز میں 18.33 کی اوسط سے 6 کھلاڑیوں کو آﺅٹ کیا ۔ اینرز دوسرے نمبر پر رہے۔ انہوں نے تین میچز میں 25.50 کی اوسط سے 6 وکٹیں حاصل کیں جبکہ محمد عامر کا تیسرا نمبر رہا۔ انہوں نے تین میچز میں 5 وکٹیں حاصل کیں۔