تھری ڈی جوتوں کی فروخت کا اعلان

لاہور (نیٹ نیوز) سپورٹس کٹس تیار کرنے والی جرمن کمپنی ایڈیڈاز نے تھری ڈی پرنٹڈ سول کے حامل جوتوں کی فروخت کا اعلان کیا ہے ۔میڈیا رپورٹس کے مطابق کمپنی کی طرف سے جاری بیان میں کہا گیا ہے کہ تھری ڈی پرنٹڈ سول کے حامل جوتوں کی فروخت شروع کی جارہی ہے ۔ابتدائی طور پر رواں سال کے اختتام تک اس طرح کے پانچ ہزار سنیکرز فروخت کیلئے پیش کئے جائیں گے جبکہ اگلے سال یہ تعداد ایک لاکھ تک بڑھائی جائیگی۔کمپنی کے مطابق نئے جوتے کسی بھی کھلاڑی کے وزن اور حرکت کے مطابق ایڈجسٹ ہو سکیں گے ۔