ویسٹ انڈیز کا ون ڈے سیریز میں فاتحانہ آغاز, پاکستان کو پہلے میچ میں شکست

پروویڈینس(ویب ڈیسک) ویسٹ انڈیز نے تین ایک روزہ میچز کی سیریز کے پہلے میچ میں مہمان پاکستان کو 4 وکٹوں سے شکست دے دی۔گیانا نیشنل اسٹیڈیم میں کھیلے گئے میچ میں گرین شرٹس نے میزبان ٹیم کو جیت کے لئے 309 رنز کا ہدف دیا جسے جیسن محمد کی دھواں دھار بیٹنگ کی بدولت ویسٹ انڈیز نے 6 وکٹوں کے نقصان پر حاصل کرلیا۔ میزبان ٹیم کی جانب سے ہدف کے تعاقب میں این لیوس اور چیڈوک والٹن میدان میں اترے لیکن 23 کے مجموعی اسکور پر والٹن 7 رنز بنا کر ا?و¿ٹ ہوگئے۔ جس کے بعد دوسری وکٹ پر لیوس اور پاویل نے 68 رنز کی شراکت قائم کی اور لیوس 47 رنز بنا کر محمد حفیظ کی گیند پر بولڈ ہوگئے۔ پاویل 61، ہوپ 24، جوناتھن کارٹر 14، کپتان جیسن ہولڈر 11 رنز بنا کر آو¿ٹ ہوئے۔ویسٹ انڈیز کی جانب سے جیسن محمد نے شاندار بیٹنگ کا مظاہرہ کرتے ہوئے گراو¿نڈ کے چاروں اطراف دلکش اسٹروکس کھیلے اور58 گیندوں پر 3 چھکوں اور 11 چوکوں کی مدد سے 91 رنز کی ناقابل شکست اننگز کھیلی اور ہدف 49ویں اوور میں 6 وکٹوں کے نقصان پر حاصل کرلیا۔ پاکستان کی جانب سے محمد عامر اور شاداب خان نے 2، 2 جب کہ محمد حفیظ اور وہاب ریاض نے ایک ایک وکٹ حاصل کی۔ میچ میں بہترین کارکردگی پیش کرنے پر جیسن محمد کو مین آف دی میچ کے اعزاز سے نوازا گیا۔