کراچی: پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ پی ایس ایل کے فائنل کیلئے فینز کو اسٹیڈیم آنے کی اجازت دیدی گئی ہے۔
تفصیلات کے مطابق پاکستان کرکٹ بورڈ (پی سی بی) کے چیئرمین محسن نقوی نے ٹوئٹ کرتے ہوئے کہا کہ وزیراعظم محمد شہباز شریف سے درخواست کی تھی کہ تماشائیوں کو اسٹیڈیم آنے کی اجازت دی جائے۔
انہوں نے بتایا کہ فرنچائز مالکان کی درخواست پر وزیراعظم نے پی ایس ایل فائنل کیلئے شائقین کی موجودگی کی منظوری دی ہے، اس فیصلے اور مداحوں کو سہولت فراہم کرنے پر ان کا تہہ دل سے شکریہ ادا کرتا ہوں۔
محسن نقوی نے کہا کہ وزیراعظم نے اس بات پر زور دیا ہے کہ پورے ملک میں کفایت شعاری کے اقدامات نافذ ہیں، ایندھن کے استعمال کو کم سے کم کرنے کی کوششیں جاری ہیں۔
