بہار: انڈین پریمئر لیگ آئی پی ایل 2026 میں سن رائزرز حیدرآباد کی نمائندگی کرنے والے ثاقب حسین نے راجستھان رائلز کے خلاف اپنے ڈیبیو میچ میں چار وکٹیں حاصل کیں تو ہر کوئی حیران رہ گیا۔
بھارتی میڈیا رپورٹس کے مطابق ثاقب حسین جب سن رائزرز حیدرآباد کی جرسی پہن کر اپنے کیریئر کا پہلا ڈیبیو اوور کرنے آئے تو وہ بہت زیادہ دباؤ میں تھے۔
ان کے سامنے راجستھان رائلز کے دھماکہ خیز اوپنر یشسوی جیسوال تھے، لیکن ثاقب کے ارادے کچھ اور ہی لگ رہے تھے، پہلے اوور کی پہلی ہی گیندوں میں، انہوں نے جیسوال کو ایک شاندار ان سوئنگ کے ساتھ آؤٹ کر کے مزید تین کھلاڑیوں کو پویلین کی راہ دکھادی۔
ثاقب کے بڑے بھائی کا کہنا ہے کہ ایک وقت تھا جب ثاقب کے پاس نہ تو مناسب جوتے ہوتے تھے اور نہ ہی کرکٹ کٹ۔ مالی بحران اتنا شدید تھا کہ کھیل کو جاری رکھنا ناممکن نظر آتا تھا۔
والدہ نے بیٹے کے لیے کھیلوں کا سامان خریدنے کے لیے اپنے گہنے گروی رکھ کر بیچ دیے تھے۔ ان کی ماں کے زیورات کی چمک اب ان کے بیٹے کی کامیابی میں جھلک رہی ہے۔
