امریکی ریاست مشی گن میں ایک خاتون نے آن لائن لاٹری ٹکٹ خریدتے وقت محض ایک غلط کلک کے باعث 2 لاکھ 51 ہزار 738 ڈالر کا جیک پاٹ جیت لیا۔
غیر ملکی ذرائع ابلاغ کے مطابق اوکلینڈ کاؤنٹی کی رہائشی 57 سالہ خاتون نے بتایا کہ وہ مشی گن لاٹری کی ویب سائٹ پر 13 مارچ کے فینٹیسی 5 ڈرا کے لیے اپنی پسند کے نمبرز کا انتخاب کر رہی تھیں۔
اُنہوں نے بتایا کہ مجھ سے غلطی سے 47 کی جگہ 39 پر کلک ہو گیا، لیکن میں نے اسے تبدیل نہیں کیا کیونکہ میری والدہ کہا کرتی تھیں کہ کوئی بھی چیز اتفاقیہ نہیں ہوتی اس کے پیچھے کوئی نہ کوئی پس منظر ہوتا ہے۔
خاتون کو لاٹری کی جانب سے ایک ای میل موصول ہوئی، جس میں بتایا گیا کہ انہوں نے تمام پانچ نمبرز یعنی 08-10-11-22-39 درست انداز میں ملاتے ہوئے 251,738 ڈالر کا جیک پاٹ جیت لیا ہے۔
500 ارب کی تاریخی لاٹری جیتنے والا خوش نصیب کون؟
خاتون نے بتایا کہ جب انہوں نے اپنے اکاؤنٹ میں لاگ ان ہو کر جیت کی رقم دیکھی تو انہیں یقین ہی نہیں آیا۔
خاتون نے کہا کہ ابھی کوئی بڑا منصوبہ نہیں، خدا نے اچھی زندگی دی ہے، اس لیے رقم کو سیونگ اکاؤنٹ میں رکھ کر آگے کچھ سوچوں گی۔
