ویلنگٹن ۔ 06 اپریل (ویب ڈیسک) ٹام لیتھم کو بنگلہ دیش اور آئرلینڈ کے خلاف ٹرائنگولر سیریز کےلئے نیوزی لینڈ کی ون ڈے ٹیم کا کپتان مقرر کر دیا گیا ہے، نیوزی لینڈ کے مستقل کپتان کین ولیمسن سمیت دس کھلاڑی آئی پی ایل کھیلنے کی وجہ سے دستیاب نہیں ہوں گے، فاسٹ باﺅلر سیتھ رینس اور باﺅلنگ آل راﺅنڈر سکاٹ کگلیژن کو پہلی بار ون ڈے ٹیم کا حصہ بنایا گیا ہے، نیل ویگنر جنہیں حال ہی میں نیوزی لینڈ کا بہترین ٹیسٹ پلیئر قرار دیا گیا تھا کا بھی سیریز میں ون ڈے ڈیبیو متوقع ہے، اعلان کردہ سکواڈ میں ٹام لیتھم (کپتان)، ہمیش بینٹ، نیل بروم، سکاٹ کگلیژن، کولن منرو، جیمز نیشم، ہینری نکولس، جیتن پٹیل، سیتھ رینس، لوک رونکی، مچل سینٹنر، ایش سودھی، روس ٹیلر، نیل ویگنر اور جارج ورکر شامل ہیں، جیتن پٹیل چوتھے ون ڈے میں ٹیم کو جوائن کریں گے، ٹرائنگولر سیریز مئی میں کھیلی جائے گی۔
