وزیر اعلیٰ خیبر پختونخواہ کے لیے نامزد علی گنڈا پور کا کہنا ہے کہ صوبے میں معاشی بحران کم کرنے کے لیے اقدامات کریں گے۔
پشاور میں سماعت کے بعد ہائیکورٹ کے باہر میڈیا نمائندوں سے بات چیت کرتے ہوئے پاکستان تحریک انصاف کے رہنما علی امین گنڈا پور کا کہنا تھا کہ پارٹی شمولیت کے لئے لیگل ٹیم بنی ہوئی ہے،معاملات دیکھ رہی ہے، حتمی فیصلہ بانی پاکستان تحریک انصاف عمران خان ہی کریں گے۔
علی امین گنڈا پور کا مزید کہنا تھا کہ صوبے میں معاشی بحران کو ختم کرنے سے متعلق ان کی پارٹی بہت جلد اقدامات کرے گی۔
نوجوانوں سے متعلق نامزد وزیر اعلیٰ کا کہنا تھا کہ نوجوانوں کو روزگار اور کاروبار دیںگے، وفاق سے خیرات نہیں اپنا حصہ مانگ لیں گے۔
ساتھ ہی علی امین گنڈا پور کا کہنا تھا کہ ، ساڈا حق ایھتے رکھ’ یہی میرا نعرہ ہے۔
واضح رہے الیکشن میں کامیابی کے بعد بانی پی ٹی آئی عمران خان کی جانب سے علی امین گنڈا پور کو وزیر اعلیٰ خیبر پختونخواہ کے لیے نامزد کیا ہے۔
