کینیڈین خاتون پالتو گھوڑے کیساتھ ہوٹل جا پہنچی

لاہور(نیٹ نیوز)کینیڈا کے شہر اونٹاریو کی رہائشی خاتون لنڈسے اپنے پالتو گھوڑے کو ساتھ لے کر ہوٹل میں قیام کیلئے پہنچ گئیں۔تاہم ہوٹل انتظامیہ نے خوش دلی سے ان کا اور ان کے گھوڑے کا استقبال کیااورگھوڑے کے ان کے کمرے میں قیام کیلئے صرف 10 ڈالر اضافی وصول کئے ،رپورٹ کے مطابق وہ منظر بھی خوب تھا جب خاتون نے اپنے گھوڑے کیساتھ ہوٹل میں چیک ان کیا اس کے بعد خاتون اور ان کے گھوڑے کو گرانڈ فلور پر واقع ایک کمرے تک پہنچا دیا گیا۔خاتون کا کہنا ہے کہ دراصل انہوں نے یہ قدم اس لیے اٹھایا تاکہ دنیا جان سکے کہ گھوڑے صرف تیزی کی علامت نہیں بلکہ یہ سکون کے ساتھ کسی ایک جگہ پر بھی رہ سکتے ہیں۔اب لنڈ سے اپنی اس کوشش میں کتنی کامیاب ہوئیں یہ تو علم نہیں، تاہم ان کی تصاویر اور ویڈیوز انٹرنیٹ پر وائرل ہوگئیں جنہیں بے حد پسند کیا جارہا ہے ۔