امریکی کمپنی کروز کی جانب سے بغیر ڈرائیور چلنے والی کاریں مارکیٹ سے واپس اٹھاتے ہوئے کہا کہ 950 کاروں کو سافٹ ویئر اپ ڈیٹ کرنے کے لیے واپس اٹھایا گیا ہے۔
میڈیا رپورٹ کے مطابق کمپنی کی جانب سے مذکورہ اقدام ایسے وقت آیا، جب اکتوبر میں سان فرانسسکو میں گاڑی نے ایک راہ گیر کو زخمی کردیا تھا، اس کے بعد ہی کیلیفورنیا کے ریگولیٹرز کی جانب سے پابندی لگائی گئی تھی۔
کمپنی نے بُدھ کو امریکی سیفٹی ریگولیٹرز کی جانب سے پوسٹ کی گئی دستاویزات میں کہا کہ سافٹ ویئراپ ڈیٹ کرنے کے لیے مستقبل میں ایسا ہی کوئی واقعہ پیش نہ آئے، اس لیے مارکیٹ سے اٹھایا جارہا ہے۔
یاد رہے کہ دو اکتوبر کو ہونے والے حادثے کے کمپنی کے لیے مشکلات کھڑی کردی تھیں، کیلیفورنیا کی ریگولیٹرز نے کہا کہ یہ کاریں عوام کے لیے خطرے کی گھنٹی بن گئی ہیں۔
کمپنی کروز کا کہنا ہے کہ یو ایس نیشنل ہائی وے ٹریفک سیفٹی ایڈمنسٹریشن کی جانب سے پوسٹ کی گئی دستاویزات میں کہا گیا ہے کہ اس نے آزمائشی گاڑیوں میں پہلے سے ہی سافٹ ویئر اپ ڈیٹ کر رکھا ہے، جن کی نگرانی کی جارہی ہے۔
بدھ کے روز ایک بیان میں جی ایم یونٹ نے کہا کہ اس نے یہ یاد دہانی کرائی حالانکہ اس نے یہ طے کیا تھا 10 میل سے 100 میل کے فاصلے پر سنگین طے کرنے پر ایسا ایسا ہی حادثہ دوبارہ ہوسکتا ہے۔
کمپنی کا کہنا ہے کہ وہ اپنے نظام کا جائزہ لینے کے بعد اس نے ایک چیف سیفٹی آفیسر کو شامل کیا ہے ساتھ ہی اکتوبر کے حادثے پر اپنے ردعمل کا جائزہ لینے کے لیے ایک قانونی فرم کی خدمات حاصل کی گئی ہیں، تکنیکی وجہ تلاش کرنے کے لیے ایک تھرڈ پارٹی انجینئرنگ فرم سے بھی مدد حاصل کی گئی ہیں۔
