فواد چودھری پرانا جیالہ ہے، پیپلزپارٹی میں ہی آئے گا: منظور وسان کی پیشگوئی

کراچی: (ویب ڈیسک) پیپلزپارٹی کے رہنما اور اکثر خواب دیکھنے والے منظور وسان نے فواد چودھری، شیخ رشید اور بشریٰ بی بی سے متعلق پیشگوئی کر دی ہے۔
منظور وسان نے کہا ہے کہا کہ فواد چودھری پرانا جیالہ ہے، وہ پیپلزپارٹی میں ہی آئے گا، فواد ہمارا تھا اور ہمارا ہی رہے گا، پی ٹی آئی چھوڑنے والے کافی لوگ پیپلزپارٹی میں آرہے ہیں ان سب کو پتہ ہے کہ اب مستقبل پیپلزپارٹی اور بلاول بُھٹو کا ہے۔
شیخ رشید کے حوالے سے انہوں نے کہا کہ عوامی مسلم لیگ کے سربراہ کا کوئی مستقبل نہیں ہے۔
بشری بی بی بارے پیشگوئی کرتے ہوئے منظور وسان کا کہنا تھا کہ 80 فیصد امکانات ہیں کہ بُشری بی بی چیئرمین پی ٹی آئی کا ساتھ چھوڑ جائے گی، ایسے حالات بھی ہوتے ہیں کہ بیوی شوہر کو چھوڑ دیتی ہے۔